1 сентябрдан Ўзбекистонда нималар ўзгаради?
Norma.uz портали маълумотларига кўра, шу санадан қуйидаги янгиликлар кучга киради:
🔸Бюджет ташкилотлари ходимларининг иш ҳақи ва стипендиялар 7%га оширилади. Энг кам иш ҳақи 1,36 млн сўм, БҲМ эса 440 минг сўм бўлади.
🔸Айрим автобусларда йўл ҳақини чиқиш вақтида тўлаш мажбурий бўлади.
🔸Одам савдосидан жабрланганлар мурожаатлари «1146» ишонч телефони орқали қабул қилинади.
🔸Туроператорларга айрим харажатларни қоплаш ва хориждаги тадбирлар учун компенсация бериш тартиби жорий этилади.
🔸Барча турдаги АЁҚШ ва газ қуйиш шохобчаларида муддати ўтган ёки ишлаб чиқарилган санаси номаълум ускуналардан фойдаланиш чекланади.
🔸 17 сентябрга қадар айрим корхона ва ташкилотларда алкоголли ичимликлар ҳамда тамаки маҳсулотларининг зарари ҳақидаги янги ахборот панеллари ўрнатилади.
🔸Газ баллони ускунаси (ГБО) техник кўригидан ўтмаган автомобилларга газ қуйиш тақиқланади.
🔸 Тошкент жамоат транспорти ва шаҳар атрофи темирйўл йўналишларида «электропоезд–автобус» ҳамда «электропоезд–метро» тарифлари жорий этилади.
🔸 18 ёшдан катта, «чуқур даражадаги ақлий заифлик» ташхиси қўйилган шахсларни парвариш қилаётган қонуний вакилларга нафақа тўланади.
🔸Спорт мактаблари ходимларига оммавий спорт тадбирлари ва спорт натижалари учун ҳар ойлик устамалар берилади.
🔸 Уй-жойи бўлмаган шахсларни ижтимоий марказларга суд қарори билан мажбуран жойлаштириш тартиби бекор қилинади. Улар марказларга фақат ўз розилиги билан қабул қилинади.
