Жанни Инфантино: «Месси футболни қайта кашф этди ва миллионларни илҳомлантирди»
Халқаро футбол федерацияси (ФИФА) президенти Жанни Инфантино Аргентина терма жамоасидаги фаолиятини якунлаганини эълон қилган Лионель Мессига миннатдорлик билдирди.
Кеча 39 ёшли Месси миллий терма жамоадаги фаолиятига нуқта қўйганини маълум қилди.
«Лионель Мессини миллионлаб инсонларни илҳомлантирган ва ушбу гўзал ўйинни қайта кашф этган ёрқин халқаро фаолияти билан табриклайман. 2022 йилги жаҳон чемпиони, Аргентина терма жамоаси сафида ўйинлар ва голлар сони бўйича, шунингдек, Жаҳон чемпионатларида майдонга тушиш бўйича мутлақ рекордчи — сенинг сеҳрли истеъдодинг ва камтарлигинг доимо ёдда қолади.
Аргентина терма жамоаси либосидаги барча унутилмас лаҳзалар ҳамда сайёрамизнинг барча бурчакларидаги мухлисларни бирлаштирганинг учун ташаккур. Сафарингнинг кейинги босқичида сенга энг эзгу тилакларимни билдираман», – деб ёзди Инфантино.
