АҚШда Трамп тасвирланган 1 долларлик танга муомалага чиқарилди
Танга АҚШ мустақиллигининг 250 йиллигига бағишланган. У эсдалик учун эмас, балки кундалик фойдаланиш учун мўлжалланган, яъни харидлар учун ишлатиш мумкин.
Тилларанг танганинг бир томонида Трампнинг портрети, «Liberty» («Озодлик») ва «In God We Trust» («Биз Худога ишонамиз») ёзувлари бор. Иккинчи томонида эса қалқонида 250 рақами бўлган АҚШ президенти муҳри тасвирланган.
АҚШда қарийб 100 йилдан бери тирик инсоннинг портрети пулга туширилмаган эди. Шу сабабли танга кескин танқидларга ҳам сабаб бўлди, чунки бундай шараф одатда вафот этган давлат арбобларига берилади.
