Уиткофф Украинадаги тинчлик музокараларида сезиларли силжиш бўлганини айтди
АҚШ махсус вакили Стив Уиткофф Москвада ва Киевда ўтказган музокаралардан сўнг уч томонлама музокараларнинг муддатларини келишишда ҳам сезиларли силжиш бўлганини маълум қилди.
Унинг айтишича, Доналд Трамп Россия ва Украина ўртасида мустаҳкам ва узоқ муддатли тинчликка эришиш учун барча имкониятларни ишга солмоқда.
ABC телеканалига кўра, АҚШ можаро жорий йил қишигача якунланишига эришмоқчи.
Уиткофф ва Жаред Кушнер Россияга ташрифи чоғида Владимир Путинга тинчликка эришиш бўйича кейинги қадамлар юзасидан “мазмунли режалар”ни тақдим этгани ҳам айтилмоқда.
