Трамп Нью-Мексико штатини «Нью-Америка» деб қайта номлашни таклиф қилди
У ижтимоий тармоқларда Нью-Мексико «Нью-Америка» деб кўрсатилган харитани эълон қилди. Харитада «Мексика» сўзи устидан чизиқ тортилиб, унинг ўрнига «Америка» деб ёзилган.
Трамп Truth Social тармоғида ушбу постни жойлаштирган, бироқ ташаббусига расмий изоҳ бермаган. Кейинчалик Оқ уй ҳам постни X ижтимоий тармоғида қайта эълон қилган. Нью-Мексико губернатори Мишель Лухан-Гришем эса бунга муносабат билдириб, штат номи «муҳокама қилинадиган масала эмаслигини» таъкидлаган.
Бу Трампнинг географик номларни ўзгартириш бўйича навбатдаги ташаббуси бўлди. 2025 йилда у Мексика қўлтиғини «Америка қўлтиғи» деб қайта номлаш тўғрисида фармон имзолаган. 2026 йил август ойида эса Онтарио кўлини «Америка кўли» деб аташни таклиф қилган.
Шу билан бирга, АҚШ президенти айрим федерал географик объектларнинг номини ўзгартириш ваколатига эга бўлса-да, штат номларини президент фармони билан ўзгартира олмайди. Нью-Мексико номини ўзгартириш учун штат даражасида тегишли расмий ва ҳуқуқий жараёнлардан ўтиш талаб этилади.
