Трамп ва Путин муҳокамаси: яқин ҳамкорлари ҳам фойда кўриши мумкин
Трамп Путин билан нефть келишувини муҳокама қилмоқда — унинг яқин ҳамкорлари ҳам фойда кўриши мумкин.
Дональд Трамп маъмуриятининг Россия билан Украина масаласи бўйича музокаралари кутилмаганда «Лукойл»нинг миллиардлаб долларлик активларини сотиш масаласига ҳам бориб тақалди.
🛢️ The New York Times ёзишича, бу ғояни сентябрь ойида Кремлдаги учрашув вақтида Владимир Путин америкалик музокарачилар Стив Уиткофф ва Жаред Кушнерга шахсан таклиф қилган.
Гап «Лукойл»нинг хориждаги тахминан 20 миллиард долларлик нефть конлари, нефтьни қайта ишлаш заводлари ва ёқилғи қуйиш шохобчаларидан иборат халқаро активларини сотиш ҳақида кетмоқда.
⚠️ Ҳозирча бу фақат музокаралар лойиҳаси. Якуний келишув мавжуд эмас ва битим Вашингтон ҳамда Москва томонидан тасдиқланиши керак.
Қизиқ томони — эҳтимолий харидорлар орасида Трамп билан яқин алоқадор шахслар ҳам бор. Масалан, америкалик миллиардер Тодд Боэли, у Трамп билан боғлиқ ташкилотларга 2 миллион доллар хайрия қилган.
Консорциум таркибида Кушнер ва Уиткофф оилалари билан бизнес алоқаларига эга бўлган Яқин Шарқ тадбиркорлари ҳам бўлиши мумкин.
Шунингдек, Абу-Дабидаги шейх Таҳнун бин Зоид Ол Наҳаён билан боғлиқ инвестиция фонди ҳам эҳтимолий иштирокчилардан бири сифатида тилга олинмоқда.
🔎 Бироқ ҳозирча Уиткофф ёки Кушнер бу битимдан шахсан даромад олишига тўғридан-тўғри далил йўқ.
Москва бу келишувни Россия ва АҚШ компаниялари урушга қарамай яна бизнес қила олишини кўрсатиш имконияти сифатида кўрмоқда. Вашингтон учун эса эҳтимолий фойда — нефть нархларини пасайтириш ва Россия билан иқтисодий алоқаларни тиклаш.
