Дунёнинг энг қиммат ҳужумчиси аниқланди — Мбаппе иккинчи, Дембеле бешинчи ўринда

Жаҳон футболидаги энг қиммат ҳужумчи номи маълум бўлди.

The Touchline маълумотларига кўра, ушбу рейтингда Норвегия терма жамоаси ва «Манчестер Сити» марказий ҳужумчиси Эрлинг Холанд пешқадамлик қилмоқда.

Скандинавиялик тўпурарнинг трансфер қиймати 220 миллион еврога баҳоланган.

Иккинчи ўринни Франция терма жамоаси ва Мадриднинг «Реал» клуби юлдузи Килиан Мбаппе эгаллади. 27 ёшли футболчининг бозор қиймати 200 миллион еврони ташкил этади.

Кучли учликни «Атлетико»нинг аргентиналик ҳужумчиси Хулиан Альварес якунлаб берди. Унинг трансфер қиймати 110 миллион еврога баҳоланмоқда.

Дунёнинг энг қиммат ҳужумчилари ўнталиги:

Эрлинг Холанд («Манчестер Сити») — 220 миллион евро.

Килиан Мбаппе («Реал») — 200 миллион евро.

Хулиан Альварес («Атлетико») — 110 миллион евро.

Жоао Педро («Челси»).

Усмон Дембеле («ПСЖ»).

Александр Исак («Ливерпуль»).

Лаутаро Мартинес («Интер»).

Уго Экитике («Ливерпуль»).

Беньямин Шешко («Манчестер Юнайтед»).

Матеус Кунья («Манчестер Юнайтед»).

Манбада биринчи учликдан ташқари футболчиларнинг трансфер қийматлари келтирилмаган.