Лукашенко: Россия уруш туфайли жиддий даражада ҳолдан тоймоқда
Беларусь президенти Александр Лукашенко Россия ва Украина учун урушни тугатиш зарурлигини таъкидлади. Унинг айтишича, можаро ҳар икки давлатга ҳам салбий таъсир кўрсатмоқда.
«Бу тинчлик барибир бўлади. Агар бу йил бўлмаса, келаси йил бўлади. Бунга мутлақо ишонаман. Ҳа, Россия кучлироқ, қудратлироқ ва у ҳали узоқ вақт урушиши мумкин. Аммо барибир ҳолдан тойиш жуда кучли, иқтисодиётга таъсири улкан, буни сиз ҳам кўриб турибсиз. Бу кимга ёқади ва кимга керак? Россияликлар буни тушуняпти, улар тинчликка тайёр».
Лукашенко Украина учун ҳам вақт ўтиши билан тинчлик келишувига эришиш қийинлашишини айтди.
«Агар украиналиклар бу йил тинчлик йўли билан келишувга бормаса, келаси йили улар учун янада қийин бўлади, кейин эса буни амалга ошириш имконсиз бўлиб қолиши мумкин».
