Эрон АҚШнинг бункерларни йўқ қилишга мўлжалланган бомба технологиясини ўзлаштирганини даъво қилди

ИИҚК бош қўмондони маслаҳатчиси Муҳаммад Ризо Нақдийнинг маълум қилишича, мамлакат мутахассислари 12 кунлик урушда қўлланилган АҚШнинг GBU-57 бомбасининг портламай қолган қисмини қўлга киритган.

Нақдийнинг даъво қилишича, мутахассислар бомбанинг қотишмалари ва электрон схемаларини ўрганишган. Унинг айтишича, энди бундай қурол технологияси Эронда ҳам бор.