Песков: Путиннинг АҚШ вакили Уиткофф билан учрашуви яқин вақтда ташкил этилиши мумкин
Россия президенти матбуот котиби Дмитрий Песков Москва Путиннинг АҚШ вакили Стив Уиткофф билан учрашувини яқин вақтда ташкил этишга умид қилаётганини билдирди.
Песковнинг бошқа баёнотлари:
— Россия Украинадаги урушни ҳал қилиш бўйича АҚШнинг воситачилик ҳаракатларини юқори баҳолайди;
— Москва Украина номидан музокараларда қатнашадиган ва урушни тугатиш бўйича қарор қабул қилиш ваколатига эга қонуний вакил бўлишини муҳим деб ҳисоблайди;
— Россия стратегик барқарорлик ва ядровий қуролсизланиш масалалари бўйича АҚШ билан тўғридан-тўғри мулоқотни қайта тиклаш тарафдори;
— Путиннинг АҚШ вакиллари билан учрашуви қаерда ва қачон бўлиб ўтиши ҳақида Кремл кейинроқ маълумот беради.
