Сумкасини ўғирлаган шахсни қувган турист қамоқ жазосига ҳукм қилинди
Австралияда ўғирлик қурбони бўлган сингапурлик сайёҳнинг ўзи қамоқ жазосига ҳукм қилинди. У сумкасини олиб қочган шахсни автомобиль билан ургани учун 6 йилга озодликдан маҳрум этилди.
Ҳодиса сайёҳ ижарага олган машинадан сумкаси ўғирланганидан кейин бошланган.
Жабрланувчи ўғрини тўхтатиш мақсадида уни автомобилда таъқиб қилган ва қувиб етгач, машинаси билан уриб юборган.
Мазкур ҳаракати учун сингапурлик турист суд томонидан айбдор деб топилиб, 6 йиллик қамоқ жазосига ҳукм қилинган.
