The Washington Post : Флорида губернатори АҚШ президентлиги учун курашга тайёрланмоқда
Флорида губернатори Рон Десантис 2028 йилда бўлиб ўтадиган АҚШ президентлик сайловларида иштирок этишга тайёргарлик кўрмоқда.
У Республикачилар партиясидан президентликка номзод бўлиш учун курашмоқчи. Маълум қилинишича, Десантис сайловолди кампаниясида иштирок этиш таклифи билан камида бир нафар сиёсий маслаҳатчига мурожаат қилган. Уни қўллаб-қувватловчи сиёсий қўмита эса маблағ йиғишни бошлаган.
Губернатор тарафдорларининг айтишича, Десантис республикачиларнинг 3 ноябрь куни бўлиб ўтган оралиқ сайловлардаги мағлубиятидан кейин яна президентликка даъвогарлик қилиш имконияти пайдо бўлган деб ҳисоблаган. Сайлов натижаларига кўра, республикачилар Конгресснинг ҳар икки палатасидаги назоратни йўқотади, демократиклар эса кўпчиликни қўлга киритади.
Десантис 2024 йилги президентлик пойгасида ҳам қатнашган, бироқ кейинчалик номзодини қайтариб олиб, Трампни қўллаб-қувватлаган эди.
