Трамп АҚШга Эрон билан келишув керак эмаслигини айтди
Доналд Трамп АҚШ вице-президенти Жей Ди Вэнсдан демократик партия бошқараётган шаҳар ва штатлардаги коррупция ҳамда жиноятчиликка қарши курашга эътибор қаратишни сўраганини билдирди.
Трампнинг айтишича, мамлакатдаги коррупция ва жиноятчиликка чек қўйилса, давлат бюджети мувозанатини тезда тиклаш мумкин.
«Бизга Эрон билан келишув керак эмас. Бу давр аллақачон ўтди. Эроннинг юзлаб миллиард доллар маблағлари бизнинг назоратимизда, Хормуз бўғози ҳам бизнинг қўлимизда», — деб ёзди Трамп.
Эслатиб ўтамиз, АҚШда Эроннинг миллиардлаб долларлик активлари музлатилган. Эрон музлатилган маблағларни қайтаришни ва Хормуз бўғозини очишни тинчлик келишувининг асосий шартлари сифатида илгари сурган.
