Бундестаг яна Украинага Таurus ракеталарини етказиб беришни қўллаб-қувватламади

Германия парламенти депутатларнинг аксарияти ХДИ/ХСИ блокининг Украинага Таurus узоқ масофали қанотли ракеталарини етказиб беришни талаб қилувчи резолюция лойиҳасига қарши овоз берди.

Бир кун аввал Германия канцлери Олаф Шольц Бундестаг йиғилишида яна бир бор ушбу ракеталарни етказиб беришга қарши эканлигини билдирган эди. Ҳукумат раҳбарининг фикрича, узоқ масофага учувчи қанотли ракеталарни Киевга етказиб бериш Германияни уруш иштирокчисига айлантириши мумкин.