Россиянинг “Ямал” кемаси жиддий шикастланган — Украина разведкаси
Украина Мудофаа вазирлигининг Бош разведка бошқармаси ўзининг Facebook’даги расмий аккаунтида Россиянинг “Ямал” номли йирик десант кемаси Украина Қуролли кучлари томонидан ҳужумга учраганидан кейин Севастополдаги Қора денгиз флотининг 13-кема таъмирлаш заводига етказилгани ҳақида хабар эълон қилди.
Украина разведкасининг ҳисоб-китобларига кўра, десант кемасига жиддий зарар етказилган.
“Украина Қуролли Кучларининг Севастополга сўнгги ҳужуми натижасида Россиянинг йўқотишлари ҳақидаги бошқа тафсилотларга ойдинлик киритилмоқда”, дея қўшимча қилинади разведка бошқармаси хабарида.
