Сирдарёда кучли шамол кўп қаватли уй томини учириб юборди
Сирдарё вилояти Оқолтин тумани ҳокимлиги маълумот беришича, кузатилган кучли шамол таъсирида Оқолтин тумани “Янги давр” маҳалласи Ёшлар кўчасидаги 19-кўп қаватли уйнинг профнастил билан қопланган 10 квадрат метр том қисмига зарар етган.
Ушбу ҳолат бўйича туман ҳокими, сектор раҳбарлари ва туман фавқулодда вазиятлар бўлими ходимлари зудлик билан воқеа жойига етиб борган. Содир бўлган ҳолат оқибатида инсонларнинг тан жароҳати олиши ёки бошқа нохуш ҳолатлар кузатилмаган.
“Айни пайтда талофат оқибатларини бартараф этиш ишлари олиб борилмоқда”, — дейилади хабарда.
