“Бугундан бошлаб каллангни оламан!..” (видео)

Ўтган сафар мен сенларга “сичқоннинг инини пойлаш” солиғини жорий қилгандим. Лекин сенлар менинг буйруғимга итоат этмадинг!.. Тўрттангдан ташқари Люза, Месси, Лео, Маша айтганимни қилди. Ҳар биттаси ўзи тутган сичқонлардан тўрттадан “ин пойлаш” солиғи учун олиб келиб берди. Қолганлар бажармади. Энди бугундан бошлаб, “ҳидлаш” солиғини ҳам жорий қиламан! Бажармаганларни кечирмайман. Солиқ ҳар бир мушукка биттадан сичқон. Ҳар куни эмас, икки кунда бир! Кўрдингларми, мен қанчалик адолатлиман!.. Ҳамманг иссиққина ертўлаларда яшайсан, ундан қанча солиқларинг бор. Бундан ташқари ахлат солиғи турибди!.. Оилаларинг қанчалик катталиги мени қизиқтирмайди, ёруғлик солиғини ҳам тўлаб қўйинглар!.. Бу ерда йиғилганлар бошқа жойлардаги мушуклар маҳаллалари вакиллари. Демак, вакиллар оғзимдан чиққан ҳар битта фармонни оқизмай-томизмай ўзларининг жойларига етказишлари шарт!..    Агар фармонларим ўз вақтида бажарилмаса, биринчи ўринда сенларнинг каллаларингни оламан!..