Техас университетида Фаластин тарафдорлари намойиши чоғида ҳибсга олинганлар сони 34 кишига етди
Исроилга қарши намойишлар Америка университетларини қамраб олди. Техас университетида Фаластин тарафдори бўлган норозилик намойиши чоғида ҳибсга олинган намойишчилар сони 34 нафарга етди, дея хабар беради Техас жамоат хавфсизлиги департаменти Х ижтимоий медиа сайтида.
Қайд этилишича, норозилик акцияси Техас губернатори Грег Абботт ва университет маъмурияти илтимосига кўра тарқатилган.
Аввалроқ Техас губернатори Фаластин тарафдорлари норозилик намойишларининг барча иштирокчиларини қамоққа ташлаш билан таҳдид қилган эди.
«Қамоқхона бу намойишчилар учун жой. Техасда антисемитизмга йўл қўйилмайди», – деб ёзган губернатор Х ижтимоий тармоқда унинг сўзларига кўра, антисемитизм намойишларида қатнашаётган талабалар университетлардан ҳайдалиши керак.
Кеча 200 га яқин талаба кундузи Остиндаги Техас университети кампусида Исроилнинг Ғазо секторига ҳужумларига норозилик билдириш учун йиғилди. Биринчи босқичда полиция, уларга кўра, оломонни бошқарган 17 кишини ҳибсга олди. Хавфсизлик кучлари, жумладан от спорти бўлинмалари ходимлари ва талабалар ўртасида жанжал келиб чиқди.
