Сурхондарёда Cobalt уриб юборган икки боладан бири вафот этди
Россия армиясининг ҳужуми бошланганидан бери Украинанинг Харков вилоятидан 8,7 мингдан ортиқ одам эвакуация қилинди, деди Харков вилояти ҳарбий бошқармаси раҳбари Олег Синегубов.
«Маҳаллий аҳоли Чугуевский туманидан 2319 нафар, Харковский туманидан 3834 нафар, Богодуховский туманидан 103 нафар ва 2533 киши кўнгиллилар томонидан эвакуация қилинди. Жами 8779 киши эвакуация қилинди», — деб ёзди Синегубов Телеграмъда.
Шунингдек, у пайшанбага ўтар кечаси Богуславка, Графское ва Чугуев отишмага учраганини, натижада тўрт киши жароҳатланганини айтди.
Шунингдек, у Харков вилоятидаги ракета ҳужуми натижасида бир киши ҳалок бўлгани ва яна 13 киши жароҳатлангани ҳақида хабар берди.
Шу билан бирга, Америка урушни ўрганиш институтининг (ISW)15 майдаги ҳисоботида таъкидланишича, Россиянинг Харков вилояти шимолидаги ҳужум операциялари суръати пасайишда давом этмоқда.
Таҳлилчиларнинг қайд этишича, 10 майдан бошлаб Россия қўшинлари Харков вилояти шимолида Украина кучлари атайлаб муҳим мудофаа чизиғини яратмаган ҳудудларда тактик ҳужумга эриша олган.
Қайд этилишича, Россия кучлари «ҳозирда Харков вилояти ҳудудига чуқурроқ кириб боришдан кўра, буфер зона яратишга устувор аҳамият қаратаётганга ўхшайди».
