Тбилисида юз киши Саакашвилининг партияси офисига ҳужум қилди
Тбилисида бир неча ўнлаб кишилар Михаил Саакашвилининг мухолифатдаги «Бирлашган миллий ҳаракат» (УНМ) партияси офисига ҳужум уюштирди, деб хабар беради «Озодлик» радиосининг Грузия хизмати.
Ҳужумда 100 га яқин одам қатнашган, бинонинг деразалари, эшиклари синган ва деворлари ёзув билан қопланган. УНМ офисга қилинган ҳужумдан кейинги фотосуратлар ва видеоларни эълон қилди. Улар бино ташқарисидаги девор ва деразалар катта шикастланганини, уларнинг баъзилари бўёқ билан қопланганини кўрсатади.
Грузия Ички ишлар вазирлигидан бошқа тафсилотлар ёки изоҳлар ҳозирча йўқ.
Ҳодиса Грузияда хорижий агентлар тўғрисидаги қонун қабул қилиниши фонида юз берди. Бирлашган Миллий Ҳаракат унинг қабул қилинишини кескин танқид қилади.
