Мбаппе 7 йилда Францияга 261 миллион евро солиқ тўлаган

Килиан Мбаппе иштирокидаги трансфер достони ниҳоят тугади. Бир неча кун аввал “Реал” юлдуз ҳужумчи ўз сафига ўтганини расман эълон қилди. Мбаппе Мадрид клуби билан беш мавсумга – 2029 йилнинг ўрталарига қадар шартнома имзолади.

Мбаппе 7 йиллик фаолиятидан сўнг “ПСЖ”ни тарк этди. Бу вақт ичида 2017 йилдан 2024 йилгача футболчи Франция давлатига 261 миллион евро солиқ тўлаган. Бу ҳақда BFMTV телеканалига таяниб, Transfer News Live хабар бермоқда.

Ҳозирда Килиан Мбаппе Франция терма жамоаси билан 2024 йилги Европа чемпионатига тайёргарлик кўрмоқда.