Темир-бетон плита маҳсулотларининг мувофиқлик сертификатисиз сотилгани аниқланди
Ўзбекистон техник жиҳатдан тартибга солиш соҳасида назорат Инспекциясининг Жиззах вилояти бўлими томонидан «А.П» ХК (номи ўзгартирилган) темир-бетон плита маҳсулотлари ишлаб чиқарувчи корхонада назорат тадбири ўтказилди.
Натижада темир-бетон плита маҳсулотларининг меъёрий ҳужжатлар талабларига жавоб бермаслини аниқланди. Шунингдек, ишлаб чиқарилаётган маҳсулотлар мувофиқлик сертификатисиз сотилган. Бу билан «Стандартлаштириш тўғрисида»ги қонунинг 27-моддаси ҳамда «Техник жиҳатдан тартибга солиш тўғрисида»ги қонуннинг 29-42-моддалари талабларига риоя қилинмаган.
Аниқланган ҳолат юзасидан 60,5 млн. сўм жарима тарзидаги молиявий санкция қўлланилиши тўғрисида далолатнома расмийлаштирилиб, материаллар судга киритилган.
