Роналду Еврода пенальтилар сериясида гол урган энг ёши катта футболчига айланди
![](https://hordiq.uz/wp-content/uploads/2024/07/img_20240702_093926_259.jpg)
Криштиану Роналду Евролар тарихида пенальтилар сериясида гол урган энг кекса футболчига айланди.
39 ёшу 147 кунлик бўлган португалиялик ҳужумчи Словенияга қарши кечган пенальтилар сериясида ўз зарбасини голга айлантирди. Португалияликлар Евро-2024 1/8 финалининг асосий ва қўшимча таймларида голсиз дурангдан сўнг словенияликларни пенальтилар сериясида (3:0) мағлуб этишди.
Бу пенальти Роналдунинг ушбу учрашувдаги иккинчиси бўлди: 105-дақиқада португалиялик пенальтини аниқ амалга ошира олмади – унинг зарбасини дарвозабон Ян Облак қайтарди.