Элдор Шомуродов: “Рақибнинг даражасидан келиб чиқсак, ёмон ўйнамадик деб ўйлайман”
![](https://hordiq.uz/wp-content/uploads/2024/07/izobrajenie_2024-07-24_223411011.jpg)
Парижда бўлиб ўтаётган Олимпиада доирасида Ўзбекистон футбол терма жамоаси Испания билан куч синашди. Мазкур беллашувда вакилларимиз “Қизил Фурия”га 2:1 ҳисобида мағлуб бўлди.
Ўйиндан сўнг термамиз сардори Элдор Шомуродов ўз фикрлари билан ўртоқлашди. Қуйида унинг фикрлари билан танишиб чиқишингиз мумкин:
– Рақибнинг даражасидан келиб чиқсак, ёмон ўйнамадик деб ўйлайман. Хатолар эвазига мағлуб бўлдик. Бизнинг вазифамиз гуруҳдан чиқиш. Испанияга қарши йигитлар яхши ҳаракат қилди. Ҳозирча ҳеч нарса йўқотганимиз йўқ. Олдинда иккита ўйин бор ва мазкур беллашувларга тайёргарлик кўрамиз.