Фарғонанинг 3 ҳудудини сел босди (+фото)
Кеча Фарғона туманида соат 15:30 ларда жала ва дўл ёғиб ўтган. Натижада:
“Шоҳимардон” МФЙда соат 1,5-2 м3/с сел оқими вужудга келиб, аҳоли ва ҳудудларга зарар етказмаган ҳолда Қуркул сел йўлидан оқиб ўтган;
Шоҳимардон қишлоғида 4-5 м3/с сел оқимлари вужудга келиб, қишлоқ врачлик пункти ҳовлиси ва 4 та аҳоли хонадонини қум-шағал билан тўлдирган;
“Ёрдон” МФЙда 1,5-2 м3/с сел оқимлари вужудга келиб, аҳоли ва ҳудудларга зарар етказмаган ҳолда Букан сел йўлидан оқиб ўтган.
Ҳозирда ФВВ ходимлари тозалаш ишлари олиб бормоқда. Аҳоли орасида жабрланганлар йўқ, деб хабар берди Ўзгидромет.
