“Камала Харриснинг президентлиги АҚШ учун фалокат бўлади”
АҚШнинг собиқ президенти Доналд Трамп “демократия ва Американи қутқаради”. Бу ҳақда бизнесмен Илон Маск маълум қилди.
“Трамп демократия ва Американи қутқаради. Менинг сўзларимни эслаб қолинг. Камала Харрис фалокат бўларди”, – дея таъкидлади америкалик тадбиркор.
АҚШда президентлик сайловлари 5 ноябрь куни бўлиб ўтади. Республикачилар партияси Трампни ўз номзоди сифатида кўрсатди, амалдаги витсе-президент Камала Харрис эса демократлар учун курашмоқда.
