Қашқадарёда 5 та машина аварияга учради

Қайд этилишича, ҳодиса 1 декабрь куни 22:02 ларда Қарши шаҳар “Беклар” маҳалласи ҳудудида юз берган. Lacetti ҳайдовчиси П.Д. А.Темур кўчаси томонидан Қарши шаҳар “Жайхун“ кўчаси томон ҳаракатланиб бориб, иккинчи Lacetti йўлига чиқиб кетган. Шундан сўнг йўлнинг ўнг томонида тўхтаб турган учинчи Lacetti, Cobalt ва Trecker билан тўқнашган.

Оқибатда учинчи Lacetti салонида бўлган йўловчи тан жароҳати олиб шифохонага ётқизилган.

Ҳозирги кунда мазкур ҳолат юзасидан суриштирув ҳаракатлари олиб борилмоқда.