Туркияда оммавий намойишлар 5-кун давом этмоқда
Туркиянинг Истанбул, Анқара, Измир ва бошқа шаҳарларида юз минглаб одамлар Имомоғлунинг ҳибсга олинишига қарши норозилик билдириш учун кўчаларга чиқди.
Намойишчилар полицияга молотов коктейллари улоқтирмоқда, полиция эса уларга қарши кўздан ёш оқизувчи газ ва резина ўқлар ишлатмоқда.
Имомоғлу ҳам вакили бўлган мухолиф “Республика халқ” партияси раҳбари халқни намойишларни давом эттиришга ва мамлакатдаги асосий ОАВларни бойкот қилишга чақирмоқда. Бундан ташқари, у мамлакатда муддатидан олдин президентлик сайловларини ўтказишни таклиф қилди.
