Британиялик эркак энергетик ичимликлар туфайли тишларидан айрилди
Британиялик Николас Мудфорд 20 йил давомида ҳафтасига 21 та энергетик ичимлик ичиб, натижада тишлари бутунлай емирилиб, тушиб кета бошлаган. Тиш шифокорларидан қўрққани учун йиллар давомида муаммони эътиборсиз қолдирган.
Унинг ҳаётида бурилиш нуқтаси ишга кетаётганда олдинги тишларидан бири тушиб кетганида юз берди. Ўзини ноқулай ҳис қилган Николас ниҳоят февраль ойида Туркияда 9000 фунт стерлингга тишларини тиклашга қарор қилди.
«Энди мен ҳеч иккиланмасдан табассум қиламан ва ҳар бир суратга тушганимда ишонч билан жилмаяман. Энергетик ичимликлар тишларни йўқ қилади! Энди мен буни ичадиган ҳар бир кишини огоҳлантираман», – дейди Николас.
Энди у ҳар икки йилда бир марта тишларини текширтириш учун Туркияга боришни режалаштирган ва ниҳоят ўзига бўлган ишончини тиклаган.
