АҚШ томонидан 70 та халқаро ташкилотга санкция эълон қилинди

АҚШ савдо вазирлиги Эрон, Хитой, Бирлашган Араб Амирликлари (БАА), Покистон ва Жанубий Африка давлатларидаги 70 та ташкилотга экспорт чекловлари жорий этди. Бу ҳақда сешанба куни АҚШ ҳукуматининг расмий ҳужжатлар тўплами — федерал реэстрда эълон қилинган.

Рўйхатга Хитойдан 42 та, Покистондан 19 та, БААдан 4 та, Жанубий Африкадан 3 та ва Эрондан 2 та компания киритилган. АҚШ ҳукуматига кўра, бу ташкилотларнинг фаолияти мамлакатнинг миллий хавфсизлиги ёки ташқи сиёсатига зид деб баҳоланган.

Санкциялар натижасида ушбу ташкилотларга АҚШ товарларини етказиб бериш учун махсус лицензия талаб этилади, бироқ бундай аризалар кўриб чиқиш жараёнида рад этилиши эҳтимоли юқори бўлади.