Европа Иттифоқи маркази устида СИРЛИ ДРОН! Қўшма тадқиқот маркази нишонда?
Италиядаги Европа Иттифоқи маркази устида сирли учувчи аппарат.
Италиянинг Испра шаҳрида жойлашган Европа Комиссиясининг Қўшма тадқиқот маркази устида номаълум учувчи аппарат кузатилди.
Corriere della Sera нашри хабар беришича, мутахассислар бу Россиянинг разведка учувчи аппарати бўлиши мумкин деб тахмин қилмоқдалар.
Манба маълумотларига кўра, марказ ҳудуди устидан учувчи аппаратнинг камида беш марта учиб ўтгани қайд этилган. Ҳар бир парвоздан сўнг аппарат ҳеч қандай из қолдирмай ғойиб бўлган.
Тадқиқот марказида ядро энергетикаси, хавфсизлик ва коинот соҳалари бўйича мутахассислар фаолият юритади. Бундан ташқари, объект яқинида Италиянинг Leonardo мудофаа компаниясининг ишлаб чиқариш қувватлари жойлашган бўлиб, бу разведка операциялари учун қизиқиш уйғотиши мумкин.
Италия ҳукумати ҳозирча ушбу ҳодиса юзасидан расмий баёнот бермади.
