Гейнрих: Ўзбекистон кучли рақиблар билан ўйнашдан қўрқмайди

ЖЧ–2026 қуръаси олдидан футбол жамоатчилигида қизғин муҳокамалар кетмоқда. Ўзбекистон терма жамоасининг собиқ ҳужумчиси Александр Гейнрих ҳам мазкур жараён ҳақида ўз фикрларини билдириб ўтди. Унингчa, мундиалда иштирок этишнинг ўзи — катта шараф ва мана шу йўлда кучли рақиблар билан тўқнаш келишдан қочиш керак эмас.

Гейнрихнинг айтишича, биринчи саватчадан айнан энг нуфузли жамоалардан бири тушса, бу ҳам терма жамоамиз учун қийинчилик эмас, балки катта тажриба ва эмоцияларни тақдим этади.

“Жаҳон чемпионатига йўл олган эканмиз, Испания, Бразилия ёки Франция каби грантлар билан ўйнаш — футболчига ҳам, мухлисга ҳам мислсиз завқ беради. Кучли рақиб билан ўйнаш ҳар доим кайфиятни кўтаради,” — дейди у.

Иккинчи сават борасида Гейнрих Колумбия ёки Сенегални мақбул рақиб сифатида кўрсатди. Унинг фикрича, ўйин услуби жиҳатидан бу жамоаларга қарши тўғри ёндашув билан очко олиш имконияти юқори.

Тўртинчи саватдан эса Гаити ёки Кюрасаони идеал вариант сифатида кўрмоқда:

“Биз улардан бирини мағлуб этиб, гуруҳдан чиқиш имконимизни мустаҳкамлаб олишимиз шарт. Бу борада товлама йўқ — мақсад аниқ ва реал.”

Қизиғи шундаки, журналистлар Гейнрихдан нима учун ўзининг севимли футболчиси бўлган Роналдунинг Португалиясига қарши тушишни истамаслиги ҳақида сўрашди. У эса кўтаринки кайфиятда жавоб қайтарди:

“Мен «Реал» мухлисман, Роналду эса ҳозир Мадридда ўйнамайди”, — дея кулиб жавоб берди собиқ ҳужумчи.

Эслатиб ўтамиз, Жаҳон чемпионати қуръа ташлаш маросими бугун Тошкент вақти билан 22:00 да бўлиб ўтади.

Гейнрихнинг фикрларига қараганда, терма жамоамиз ҳар қандай вазиятга тайёр, мухлисларни эса қизиқарли ва ишончга тўла кеча кутмоқда.