Литвада ҳаво шарлари туфайли фавқулодда ҳолат эълон қилинди
Литва ҳукумати Беларусдан келган ҳаво шарлари туфайли ҳаво ҳудуди бузилганлиги сабабли фавқулодда ҳолат эълон қилди.
Бу ҳақда Reuters хабар бермоқда.
«Литва сешанба куни Белоруссиядан олиб келинган иссиқ ҳаво шарлари жамоат хавфсизлигига таҳдид солаётгани сабабли фавқулодда ҳолат эълон қилди», — дейилади агентлик хабарида.
Литва расмийлари Беларусни контрабандачиларга чегарадан контрабанда сигаретларни ташиш учун ҳаво шарларидан фойдаланишга рухсат беришда айбламоқда.
