Самарқанд футбол клуби муқаддам вояга етмаган қизни зўрлагани учун судланган футболчи билан шартнома имзолади (Фотофакт)

«Динамо» муқаддам вояга етмаган қизни зўрлагани учун судланган Кингсли Сарфо билан шартнома имзолади. Самарқанд футбол клуби эркин агент мақомидаги ганалик 30 ёшли ярим ҳимоячи билан бир йиллик келишувга эришганини маълум қилди.

Кингсли Сарфо сўнгги тўрт йил давомида Кипрнинг «АПОЭЛ» клубида фароият олиб борган, аввалроқ «Никосия», Шветсиянинг «Малмё» ва «Сириус» жамоаларида ўйнаган.

2017 йилда Кингсли Сарфо Шветсиянинг «Малмё» жамоасида ўйнаб юрганида 14 ёшли қизни зўрлаганликда айбланган. Швесия қонунчилигига кўра, 15 ёшга тўлмаган қиз билан жинсий алоқа қилиш болани зўрлаш сифатида баҳоланади.

Суд футболчини 2 йил 8 ойга озодликдан маҳрум қилиш, депортатсия қилиш, шунингдек, 150 минг крона товон пули тўлашга ҳукм қилган.

Маълумот ўрнида, Сарфо икки йиллик танаффусдан сўнг «Никосия»га қайтган ва 2022 йилда Кипрнинг «АПОЭЛ» клубига қўшилган.

Манба: gosportuz