25 ёшли юлдуз дунёдаги энг катта лаблар учун 50 000 доллар сарфлади ва… оғзи ёпилмай қолди!
Гўзаллик қурбонлик талаб қиладими ёки бу ақлдан озишми? Ижтимоий тармоқлар юлдузи Вена Вюрстель ўз қиёфасини даҳшатли даражада ўзгартириб, дунёни карахт аҳволга солди. Вена «дунёдаги энг катта лаблар» соҳибаси бўлиш йўлида нақ 49 000 долларни фақат лаб тўлдирувчи инъекцияларга (филлер) сарфлаб юборди. Натижа эса аянчли: қизнинг лаблари шунчалик шишиб кетганки, у энди жисмоний жиҳатдан оғзини ёпа олмайди. Испаниялик инфлюенсернинг тан олишича, унинг ҳаёти даҳшатга айланган:У фақат оғзидан нафас олишга мажбур (бу эса доимий томоқ оғриғига сабаб бўлади).
Овқат ейиш, сув ичиш ва ҳатто гапириш у учун улкан қийинчиликка айланган. Ҳар сафар янги «доза» олиш учун у Германияга учиб боради. Вена нафақат лабларини, балки бутун танасини ўзгартирган. Кўкрак ва думба жарроҳлигини (BBL) ҳисобга олса, у жами 170 000 доллар сарфлаб бўлди. Шунча азобга қарамай, у: «Бу шунга арзийди ва мен янада каттартиришда давом этаман!» — деб ҳаммани ҳайратда қолдирмоқда. Унинг видеолари миллионлаб кўрилишлар йиғмоқда. Кимдир унинг «жасоратига» қойил қолса, кўпчилик унинг соғлиғи учун қайғурмоқда. Шифокорлар эса огоҳлантирмоқда: бундай экстремал процедуралар юз тўқималарининг чиришига ёки қайтариб бўлмас деформацияга олиб келиши мумкин.
