Учувчи баҳордаги мушукларга ўхшаб миёвлаяптими?

АҚШда, Вашингтон яқинидаги Рональд Рейган номидаги аэропортда 12 апрель куни икки учувчи алоқа сеанси вақтида мушук муёвлаши ва ит ҳуришига ўхшаш овозлар чиқаришга қарор қилишди. Бу ҳақда 15 апрель куни «CBS News» телеканали манбаларга таяниб хабар берди.

Эълон қилинган радиоэфир ёзувида учувчилар ноўрин хатти-ҳаракатлари учун диспетчердан ҳайфсан олганини эшитиш мумкин.

«Йигитлар, сиз ўзингизни профессионаллардек тутишингиз керак», — деган диспетчер.

Ғайриоддий овозларни нафақат Америка аэропортларида, балки бошқа жойларда ҳам учратиш мумкин. Масалан, 2025 йил сентябрь ойида Буюк Британия парламентида хавфсизлик хизмати мамлакат Бош вазири Кир Стармернинг нутқи пайтида жинсий характердаги овозлар янграшининг олдини олган эди. Қайд этилишича, нутқ пайтида «секс овозларини» янгратиши керак бўлган мобил телефон яшириб қўйилган бўлган.