Хитой Эроннинг ядровий дастури бўйича кескин огоҳлантириш билан чиқди
Хитой Эроннинг ядровий дастури билан боғлиқ масалаларни куч ишлатиш орқали эмас, балки дипломатик музокаралар йўли билан ҳал этишга чақирди.
China Daily нашрининг хабар беришича, Хитойнинг БМТдаги доимий вакили Фу Цун БМТ Хавфсизлик Кенгашида сўзга чиқиб, Эроннинг ядровий энергиядан тинч мақсадларда фойдаланиш ҳуқуқи ҳурмат қилиниши лозимлигини таъкидлаган.
Хитой дипломати ушбу масалага холис ва мувозанатли ёндашиш, вазиятни янада кескинлаштирадиган ҳаракатлардан, айниқса, ҳарбий куч ишлатишдан тийилиш зарурлигини билдирган.
Пекин Эрон ядровий дастури атрофидаги келишмовчиликларни тинч йўл билан ҳал этиш тарафдори эканини яна бир бор маълум қилган.
