Трамп шарманда бўлди. Халқдан узилганлиги билиниб қолди!
Трамп «бурчакдаги дўконча» иборасининг маъносини билмаслигини тан олди
АҚШ Президенти Дональд Трамп Лас-Вегасдаги чиқиши пайтида «бурчакдаги дўконча» (corner store) ибораси билан таниш эмаслигини айтиб қолди. Бу ҳақда 17 апрель куни The Independent нашри хабар берди.
Солиқ сиёсати ҳақидаги нутқи давомида Трамп тайёрлаб қўйилган матнни ўқиркан, кичик бизнес турларини санаб ўтаётган жойида тўхтаб қолди.
«Бурчакдаги дўконча» ўзи нима? Мен бу иборани илгари ҳеч қачон эшитмаганман», — деди Трамп.
Шундан сўнг у бу иборанинг маъносини тахмин қила олишини, лекин иборанинг ўзи унга нотаниш эканини қўшимча қилди. «Буни ким ёзган ўзи?» — дея заҳарханда билан сўради у.
Маълумот учун, АҚШда «corner store» (бурчакдаги дўконча) деганда, одатда, турар-жой даҳаларида жойлашган, аҳоли учун яқин масофадаги кичик озиқ-овқат дўконлари тушунилади.
