Оқ уй матбуот хизмати раҳбари Каролина Ливитт: «Мен энди яхшилаб бир туғиб олайин!..»
Оқ уй матбуот хизмати раҳбари Каролина Ливитт жума куни қиз фарзанд кутаётгани ва шу сабабли бир неча ҳафтага ишини тарк этишини эълон қилди.
«Кўриб турганингиздек, исталган дақиқада кўзим ёриши мумкин, шунинг учун тезда кўришгунча, йигитлар. Биламан, ҳаммангизда Президентнинг шахсий телефон рақами бор. Албатта, бу бинодан келадиган хабарларни соғиниб қоласиз», — дея журналистлар билан ҳазиллашиб хайрлашди ёш она.
Оқ уй Ливиттнинг ўрнига вақтинчалик матбуот котиби тайинлашни режалаштирмаяпти, брифингларни матбуот хизматининг бошқа ходимлари ўтказади. Масъулиятли раҳбар сифатида у мурожаатлар учун зарур бўлган барча манзиллар рўйхатини «X» (Twitter) платформасида қолдирди.
