Нетаняхудан кўра ит бош вазирликка лойиқ!..
Исроилда бугун сайловчиларни на партия дастури, на иқтисодий ваъдалар ва на демократия қизиқтиряпти. Халқнинг ичидаги ягона ва энг катта нафрат — бу Нетаняху шахсига қаратилган. Янги сўровнома натижалари шуни кўрсатмоқдаки, жамият иккига бўлинган, аммо катта қисмнинг шиори битта: «Ким бўлса бўлсин, фақат Нетаняху бўлмасин!»
Сайловчиларнинг 45 фоизи очиқчасига эълон қилмоқда: «Биз рўйхатда ким борлигига, уларнинг қобилиятига қараб ўтирмаймиз. Бизнинг овозимиз — Бибини тахтдан қулатадиган ҳар қандай куч учун!» Бу вазият шу даражага етдики, мухолифат учун лидернинг кимлиги аҳамиятсиз бўлиб қолган. Халқ тили билан айтганда: «Нетаняхунинг ўрнига ит келиб ўтирса ҳам розимиз, балки у вазиятни бунчалик расво қилмасди».
Мухолифатнинг учдан бир қисми шу даражада тушкунликка тушганки, агар Биби ҳокимиятда қолса, бу мамлакатдан бош олиб чиқиб кетишга тайёр. Одамларни на хавфсизлик, на демократия қизиқтиради — улар шунчаки «Биби режими»дан қутулишни исташади.
Ҳокимият тепасидагилар «хавфсизлик» ва «халқ бирлиги» ҳақида жаврашда давом этаверсин, лекин ҳақиқий Исроил бугун фақат битта нарсадан — Нетаняхунинг соясидан халос бўлишни орзу қиляпти.
