Олимлар Ойда икки турдаги минераллар борлигини кашф этди
Хитой олимлари Ойда иккита янги минерал топилганини маълум қилди. Бу ҳақда Sinxua нашри хабар берди.
Хитой Миллий космик бошқармаси берган маълумотга кўра, минераллар Change-5 миссияси олиб келган намуналардан топилган. 2019 йилда Хитойнинг Change-4 зонди Ойнинг тескари томонига тарихда илк бор қўнган. Космик аппарат 2020 йил декабрь ойида ерга қайтган.
У Ойнинг Oceanus Procellarum (Бўронлар океани) ҳудудидан 1 731 грамм тупроқ келтирган. Бу Хитой учун илк намуналар бўлиб, бутун дунёда сўнгги 44 йил ичида Ой тупроғининг Ерга биринчи марта олиб келиниши эди.
Янги минераллар magnesiochangesite-(Y) ва changesite-(Cе) номларини олди. Шу билан дунё миқёсида Ойда кашф этилган минералларнинг умумий сони саккизтага етди.
Хитой Миллий атом корпорацияси бош олими Ли Сийингнинг тушунтиришича, magnesiochangesite-(Y) минерали 2020 йилда бурғилаш орқали олинган базалт парчаларидан топилган.
Бу минерал кальций ва ноёб Ер элементларидан ташкил топган фосфат минералидир. У changesite-(Y) гуруҳи билан ўхшаш, аммо ўзига хос фарқларга эга. Яъни унинг ҳажми жуда кичик, доначаларининг диаметри бор-йўғи 2 микрометрдан 30 микрометргача бўлади. Уларни оддий кўз билан кўриб бўлмайди.
