Оқ қулипнай етиштирилмоқда? У қандай бўлади?
Туркиянинг Мерсин вилоятида қишлоқ хўжалиги соҳасида янги босқич бошланди. Маҳаллий деҳқонлар томонидан етиштирилаётган ўзига хос «оқ қулупнай» нафақат ташқи кўриниши, балки бетакрор таъми билан ҳам диққатни тортмоқда.
Мутахассисларнинг таъкидлашича, ушбу маҳсулотнинг таъми банан ва ананас уйғунлигини эслатади. Ҳозирда Мерсинда етиштирилаётган мазкур экзотик мева жаҳон бозорида ҳам ўз ўрнини топмоқда. Маълум қилинишича, янги навдаги қулупнай аллақачон дунёнинг 5 та давлатига экспорт қилинмоқда. Бу лойиҳа минтақанинг экспорт салоҳиятини оширишда муҳим аҳамият касб этиши кутилмоқда.
