Ўзбекистонда фарзанд туғилганда оталарга ҳам декрет таътили бериш режалаштирилмоқда
Оталик мақомига эга бўлганларга қўшимча таътил.
Энди ишлаётган эркаклар фарзандли бўлганда турмуш ўртоғига ёрдам бериш ва бошқа фарзандларига қараб туриши учун қисқа муддатли таътил бериш белгиланмоқда. Биринчи ўқишда муҳокама қилинган лойиҳа билан амалдаги қонунчиликка бу бўйича ўзгартириш ва қўшимчалар киритиляпти.
Шунингдек, меҳнат бозорида норасмий бандликни камайтириш мақсадида фуқароларни меҳнат шартномасисиз ишга қабул қилиш, бўш иш ўринлари бўйича маълумотлар тақдим этмаганлик, иш ҳақини вақтида тўламаганлик учун ҳам жавобгарлик кучайтирилмоқда.
