Рубио: «Трампни танобини тортиш керак!..»
АҚШнинг президентлик ҳарбий ваколатларини тартибга солувчи ва Конгресс розилигисиз хориждаги ҳарбий операциялар давомийлигини 60 кун билан чекловчи қонуни конституцияга зиддир. Бу ҳақда 5 май куни АҚШ Давлат котиби Марко Рубио маълум қилди.
«Бу қонун қабул қилинган кундан бошлаб, истисносиз ҳар бир президент маъмуриятининг позицияси шундай бўлиб келган. У доимо президентнинг конституциявий ваколатларига тажовуз сифатида кўрилган», — деди у Оқ уйдаги брифингда.
Шунингдек, Рубио Конгресс билан конструктив ишчи муносабатларни сақлаб қолиш мақсадида ушбу қонуннинг айрим қоидаларига амал қилинишини билдирди.
«Дубравский Консалтинг» агентлиги раҳбари Павел Дубравскийнинг тушунтиришича, 1973 йилда қабул қилинган ҳарбий ваколатлар тўғрисидаги қонунга кўра, АҚШ Президенти Конгресс рухсатисиз 60 кун давомида ҳарбий операцияларни бошлаши мумкин. Бироқ, Оқ уй раҳбарида бу қоидани ўз фойдасига талқин қилиш учун «тирқишлар» мавжуд. Сиёсатчининг эслатишича, Трампда қўшинларни низо зонасидан «олиб чиқиш» учун қўшимча 30 кун вақт ҳам бор.
