Ўзбекистонда Озиқ-овқат маҳсулоти хавфсизлиги қўмитаси ташкил этилади
Бу ҳақда Шавкат Мирзиёев ҳузурида бўлиб ўтган йиғилишда айтиб ўтилди.
▪️2029 йил 1 январдан бошлаб мева-сабзавот экспорти фақат агрологистика марказлари орқали амалга оширилади.
▪️Экспорт салоҳияти юқори йирик озиқ-овқат корхоналари 2032 йилгача эса 100 фоиз Алиментариус кодекси талабларига ўтказилади.
▪️Мева-сабзавотчиликка ихтисослашган 20 та туманда ички фитосанитария сертификатини расмийлаштириш йўлга қўйилади.
▪️Бундан буён мева-сабзавот экспорти статистикаси маҳсулот қайси ҳудудда етиштирилган бўлса, ўша ҳудудда ҳисобга олинади.
▪️Ҳар бир маҳсулот бўйича онлайн кузатиш тизими йўлга қўйилади. Фермер ва деҳқонлар учун “Агро кўмакчи” мобил иловасида электрон “Дала дафтари” тизими жорий этилади.
▪️Фаол ва ҳалол ишлаётган фермерлар рейтинги юритилади ва уларга қўшимча имтиёзлар берилади.
▪️2027 йил 1 мартгача озиқ-овқат маҳсулотлари хавфсизлиги бўйича ягона автоматлашган ахборот платформаси ишга туширилади.
