Нима мумкин эмас?
Қурбонликнинг одоблари ва суннатлари
Қурбонликни унга қодир бўлган мусулмон шахс Аллоҳ таолога ибодат ва тақарруб мақсадида амалга оширади.
Қурбонлик вақти: Қурбон ҳайити намози адо этилгандан кейин бошланади. Зулҳижжа ойининг ўн учинчи куни кун ботиши билан якунланади.
Нима мумкин эмас?
Қурбонлик қолдиқларини кўчаларда қолдириш мумкин эмас. Бадани, кийимлари ва шахсий нарсаларига қурбонлик қонидан суртиш мумкин эмас. Қассобга савоб ниятида ( иш ҳақи учун) қурбонликдан бирон нарсани бериш мумкин эмас
Қурбонлик қилувчи шахс (ушбу ибодати орқали) Аллоҳ таолога қурбат ҳосил бўлишини ният қилиши лозим.
Қурбонлик гўштидан гарчи улар мусулмон бўлмасаларда, қавм-қариндошларга, фақирларга тарқатиш, эҳсон қилиш мумкин.
Изоҳ: Қурбонликнинг гўштидан ёки терисидан ёки унга тегишли бирор-бир аъзосини қурбонликни сўйган қассобга хизмат ҳаққи сифатида бериш мумкин эмас. Чунки Пайғамбаримиз алайҳисалом ҳазрати Алий разияллоҳу анҳуни бундай қилишдан қайтарганлар: “Қурбонлик учун сўйилган жонлиқдан қассобнинг ҳаққини берманг”.
(Имом Бухорий ривояти)
Шуни ҳам таъкидлаш керакки, қурбонлик қилувчи қассобнинг ҳаққини ўз ҳисобидан бериб бўлгандан кейин, қассобга эҳсон сифатида қурбонликнинг гўшти, ёғи, териси каби нарсаларидан бериши жоиз. Бунда қассобга хизмат ҳаққидан ташқари ҳадя берилаётган бўлади.
