«Манчестер Сити» собиқ футболчиси ҳибсга олинди
«Манчестер Сити» ва «Челси» клубларининг собиқ ҳужумчиси Раҳим Стерлинг автотранспорт воситасини гиёҳвандлик моддаси таъсирида бошқарганлик гумони билан ҳибсга олинди.
Tўрт карра Англия чемпиони бўлган футболчининг машинасидан тақиқланган моддалар топилган. Футболчи тиббий кўрикдан ўтишдан бош тортган. Бу ҳақда Тhe Sun нашри хабар бермоқда.
Манба берган маълумотларга кўра, Стерлинг ўзининг Lamborghini автомобилида аварияга учраганидан сўнг қўлга олинган. Шу билан бирга, ушбу ҳодисада бошқа транспорт воситалари иштирок этмаган ва жабрланганлар йўқ. Тергов ҳаракатлари олиб борилаётган вақтда «Фейеноорд» ҳужумчиси гаров эвазига қўйиб юборилгани алоҳида таъкидланган.
2026 йилнинг январь ойида «Челси» футболчи билан ҳамкорликни тўхтатган эди. Февраль ойида эса Стерлинг «Фейеноорд» билан шартнома имзолади. Нидерландия чемпионатида у саккизта ўйинда майдонга тушиб, битта голли узатмани амалга оширди.
