Моуриньо «Реал»нинг трансфер сиёсатини ўзгартирди
Мадриднинг «Реал» жамоаси трансфер сиёсатига жиддий ўзгартиш киритди. Янги бош мураббий Жозе Моуриньо клуб олдига бошқача талаблар қўйгани ортидан бу стратегия қайта кўриб чиқилди.
El Mundo нашри ёзишича, португалиялик мутахассис раҳбариятдан ёш иқтидорлар эмас, балки тажрибали футболчиларга урғу беришни сўраган. Охирги йилларда асосий эътиборни ёш истеъдодларга қаратган «Реал» энди шаклланган, катта футболда ўзини кўрсатиб бўлган ўйинчиларни биринчи ўринга қўя бошлади.
Маълумотларга кўра, Моуринью клуб раҳбариятига трансфер сиёсати йўналишини ўзгартириш бўйича аниқ таклиф билан чиққан. «Реал» бошлиқлари эса мураббий фикрини инобатга олиб, янги йўналишни қўллаб-қувватлашга қарор қилган.
