Ўзбекистон МТЖ шарафига махсус эсдалик тангалари чиқарилади
Марказий банк Ўзбекистон миллий терма жамоасининг ЖЧ–2026 йўлланмаси шарафига махсус эсдалик тангаларини чиқаради.
999,9 пробали соф олтиндан 100 дона ва соф кумушдан 1000 дона танга зарб этилган.
Тангалар дизайнидаги 26 та футболчи силуэти ЖЧ–2026 йўлланмасини қўлга киритган жамоанинг бирдамлиги ва меҳнатини ифода этади. Тангаларда «Оқ бўрилар» рамзи, ЎФА логотипи ва «Тарихий зафар. Ўзбекистон футболи жаҳон чемпионатида – 2026» ёзуви акс этган.
Эсдалик тангалари 18 июндан бошлаб тижорат банклари филиалларида сотувга чиқарилади.
