Соловьёв Москвага қилинган зарбалар видеоларини тарқатганларни жазолашни талаб қилди

Россиялик телебошловчи Владимир Соловьёв Москвага қилинган дрон ҳужумлари акс этган видеоларни интернетга жойлаштираётган шахсларни жавобгарликка тортишга чақирди.

Унинг таъкидлашича, бундай материалларни тарқатаётганлар оммавий тарзда жазоланиши керак. Шунингдек, у «испаниялик блогер» деб атаган шахсни ҳам танқид қилди. Соловьёвнинг фикрича, мазкур блогер Москва вилоятига қилинган ҳужумлар видеоларини мунтазам эълон қилмоқда, аммо Киевга берилган зарбалар оқибатларини деярли кўрсатмаяпти.

Соловьёв бу каби контентлар Россияга қарши ахборот таъсири воситасига айланаётганини таъкидлади.